An bhfuil doras cúil i Tor?

Níl aon doras cúil i Tor ar chor ar bith.

Tá aithne againn ar roinnt dlíodóirí cliste a deir nach dócha go ndéanfaidh aon duine iarracht orainn ceann a chur leis inár ndlínse (Stáit Aontaithe Mheiriceá). Má iarrann siad orainn, troidfimid leo, agus (a deir na dlíodóirí) is dócha go mbuafaimid.

Ní chuirfimid doras cúil i Tor choíche. Ceapaimid go mbeadh sé thar a bheith neamhfhreagrach dár n-úsáideoirí doras cúil a chur i Tor, agus droch-shampla do bhogearraí slándála i gcoitinne. Dá gcuirfimis doras cúil d'aon ghnó inár mbogearraí slándála riamh, scriosfadh sé ár gcáil ghairmiúil. Ní bheadh muinín ag aon duine as ár mbogearraí arís choíche - ar chúiseanna den scoth!

Ach é sin ráite, tá neart ionsaithe caolchúiseacha ann fós a d’fhéadfadh daoine triail a bhaint astu. D’fhéadfadh duine éigin ligean orainn go bhfuil siad ag déanamh aithrise orainn, nó briseadh isteach inár ríomhairí, nó rud éigin mar sin. Is foinse oscailte é Tor, agus ba chóir duit an fhoinse (nó ar a laghad na difríochtaí ón eisiúint dheireanach) a sheiceáil i gcónaí le haghaidh rudaí amhrasacha. Mura dtugann muidne (nó na dáileoirí a thug Tor duit) rochtain duit ar an gcód foinse, is comhartha cinnte é sin go bhféadfadh rud éigin aisteach a bheith ar siúl. Ba cheart duit sínithe PGP na n-eisiúintí a sheiceáil freisin, lena chinntiú nach ndearna aon duine cur isteach ar na suíomhanna dáilte.

Chomh maith leis sin, d’fhéadfadh fabhtanna de thaisme a bheith i Tor a d’fhéadfadh difear a dhéanamh do d’anaithnideacht. Faighimid agus socraímid fabhtanna a bhaineann le hanaithnideacht go tréimhsiúil, mar sin déan cinnte go gcoinníonn tú do leaganacha Tor cothrom le dáta.