An féidir liom Tor a dháileadh?

Tá Bogearraí Tor bogearraí saor in aisce. Ciallaíonn sé seo go dtugaimid na cearta duit bogearraí Tor a athdháileadh, bíodh sé modhnaithe nó gan mhodhnú, ar tháille nó saor in aisce. Ní gá duit cead sonrach a iarraidh orainn.

Mar sin féin, más mian leat bogearraí Tor a athdháileadh ní mór duit ár CEADÚNAS a leanúint. Go bunúsach ciallaíonn sé seo go gcaithfidh tú ár gcomhad CEADÚNAS a chur san áireamh mar aon le cibé cuid den bhogearra Tor atá á dháileadh agat.

Ní mian leis an gcuid is mó de na daoine a chuireann an cheist seo orainn ach bogearraí Tor a dháileadh, áfach. Tá siad ag iarraidh Brabhsálaí Tor a dháileadh. Áirítear leis seo Eisiúint Tacaíochta Leathnaithe Firefox agus an síneadh NoScript. Beidh ort an ceadúnas do na cláir sin a leanúint chomh maith. Dáiltear síneadh NoScript faoin Ceadúnas Poiblí Ginearálta GNU, agus scaoiltear Firefox ESR faoin Ceadúnas Poiblí Mozilla. Is é an bealach is simplí chun cloí lena gceadúnais ná an cód foinse do na cláir seo a chur san áireamh i ngach áit a gcuireann tú na pacáistí féin san áireamh.

Chomh maith leis sin, ba cheart duit a chinntiú nach gcuireann tú mearbhall ar do léitheoirí faoi cad is Tor ann, cé a dhéanann é, agus cad iad na hairíonna a sholáthraíonn sé (agus nach soláthraíonn). Féach ar ár Ceisteanna Coitianta Trádmharcanna le haghaidh tuilleadh sonraí.